બ્રેકિંગ: ભાજપના નેતા ગોરધન ઝડફિયાની હત્યાનું કાવતરું ATSના અધિકારીઓ પર ફાયરિંગ થયું

ટોચના પોલીસ અધિકારીઓ જો સલામત ન હોય તો તેઓ સામાન્ય નાગરિકોને શું સલામતી રાખી શકશે?

અમદાવાદમાં એન્ટી ટેરરિસ્ટ સ્ક્વોડના કહેવાતા જાનબાજ ઉચ્ચ પોલીસ અધિકારીઓ પર શાર્પ શૂટરો દ્વારા ફાયરિંગ કરાયાની ઘટના બહાર આવી છે. અમદાવાદ શહેરના રિલીફ રોડ પર આવેલી હોટલ વિનસમાં છોટા શકીલ ગેંગના શાર્પશૂટરની અટકાયત કરાઈ છે. ATS દ્રારા પકડાયેલ આરોપી પાસેના મોબાઈલમાં ભાજપના કાર્યાલય કમલમનો વિડિયો પણ મળ્યો. પાકિસ્તાન તરફથી સોપારી મળી હોવાના અહેવાલ પ્રાપ્ત થઈ રહ્યા છે. શાર્પશૂટર હત્યા કરવા આવ્યા હતા. ભાજપના નેતા ગોરધન ઝડફિયાની હત્યાનું કાવતરું ઘડાયું છે આ ઘટનાને લઇને લોકો સોશિયલ મીડિયા પર સવાલ ઊભો કરી રહ્યા છે કે ગુજરાતમાં ઘણાં વર્ષ પછી ફરીથી પોલીસ પર ફાયરિંગ ની ઘટનાઓ બનવાની શરૂ થઇ છે.

આ ઘટનાને લઇને ઘણા લોકો એવી કોમેન્ટ પણ કરી રહ્યા છે કે જો ટોચના પોલીસ અધિકારીઓ જ સલામત ગણાતા ગુજરાતમાં પોતાની સલામતી પણ ના રાખી શકતા હોય અને તેમના પર જ ગોળીબાર થઈ શકતા હોય તો પછી સામાન્ય લોકોની સલામતી કઈ રીતે રાખી શકશે.